SQB

SQB — Oʻzbekistondagi eng yirik tizim ahamiyatiga ega banklardan biri boʻlib, korporativ, chakana va investitsion bank xizmatlarini rivojlantirmoqda. Global iqtisodiyotdagi oʻzgarishlar sharoitida Bank samaradorlikni oshirish, xizmatlar turini kengaytirish hamda mijozlar va hamkorlar ishonchini mustahkamlashga qaratilgan strategiyani amalga oshirmoqda.

Raqamli xizmatlar bank uchun ustuvor yo'nalish bo'lib, daromad o'sishining muhim drayveri hisoblanadi. “SQB Mobile” va “SQB Business” mobil ilovalari yuqori o'sish sur'atlarini namoyish etib, chakana va korporativ mijozlar orasida kreditlash va depozitlar hajmining oshishiga xizmat qilmoqda.

Raqamli strategiyaning samaradorligi xalqaro darajada e'tirof etilgan: The Digital Banker mukofotida Bank “Outstanding Digital CX — Mobile Banking” va “SME Financier of the Year” nominatsiyalarida g'olib bo'ldi, shuningdek, bir qator mintaqaviy va milliy mukofotlarga sazovor bo'ldi.

Iqtisodiyotni qo'llab-quvvatlash va xalqaro faoliyat

Bank barqaror o'sishni namoyish etib, iqtisodiyotning muhim tarmoqlarini qo'llab-quvvatlashni kengaytirmoqda hamda bandlikni saqlashga hissa qo'shmoqda. Shu bilan birga, xalqaro faoliyat kuchayib, yetakchi xorijiy moliya institutlaridan investitsiyalar jalb qilinmoqda.

Markaziy Osiyoda ilk bor chiqarilgan 300 million AQSh dollari miqdoridagi AT1 obligatsiyalari London fond birjasida joylashtirilgani muhim voqea bo'ldi. Ushbu bitim kapital yetarliligini oshirib, yaqin yillarda ishlab chiqarish va infratuzilma loyihalarini moliyalashtirish uchun 2,1 milliard AQSh dollarigacha mablag' jalb qilishga asos yaratdi.

Bundan bir yil avval SQB mamlakat tarixidagi eng yirik RegS/144A formatidagi yevroobligatsiyalar chiqarilishini amalga oshirib, JP Morgan Chase CEMBI indeksiga kiritilgan birinchi o'zbek bankiga aylandi. Jalb qilingan mablag'lar “yashil” va barqaror loyihalarni moliyalashtirishga yo'naltirildi.

Xalqaro e'tirof

Bank yutuqlari korporativ boshqaruv, ESG, raqamli transformatsiya va savdo moliyalashtirish sohalarida nufuzli xalqaro mukofotlar bilan tasdiqlangan, jumladan:

• Yevropa tiklanish va taraqqiyot banki (EBRD) tomonidan “yashil” moliyalashtirishni rivojlantirish uchun mukofotlar
• Xalqaro moliya korporatsiyasi (IFC) ishtirokidagi “Yilning eng yaxshi savdo moliyalashtirish bitimi”
• Osiyo taraqqiyot banki (ADB) tomonidan O'zbekistondagi eng yaxshi hamkor bank
• Euromoney jurnali talqiniga ko'ra O'zbekistondagi eng yaxshi bank
• Asian Banking & Finance tomonidan raqamli transformatsiya va risk-menejment bo'yicha mukofotlar
• International Finance Magazine tomonidan eng yaxshi korporativ bank va eng yaxshi korporativ boshqaruv banki
• World Business Outlook talqiniga ko'ra O'zbekistondagi eng innovatsion va eng yaxshi korporativ bank
• Global Economics tomonidan bank sektoridagi eng yaxshi ESG amaliyotlari.